A squadra di i CPC-LCC prisentà u NUTIZIALINGUA « È stu mese chì femu ? »
Sta rivista hà pè scopu di mandà un inseme di ducumenti (scritti, audio, letture, esercizi, canzone, cuntrasti, fiure, puesie…), è di pruposte pedagogiche da mette in ballu in e scole, à l’ingiru d’un tema ogni mese.
MARZU 2025
U nostru novu numaru « TRÀ MARE È MONTI » hè dedicatu à a pratica spurtiva, à l’attività ingiru à a natura è à l’ambiente.
NUVEMBRE 2024
Pè ‘ssa sicond’annata, emu decisu di prupone tematiche ch’ùn fussinu micca troppu dipendente d’u calindariu sculare di modu chì e nostre pubblicazione pudessinu esse aduprate durante tuttu l’annu, quand’è vo’ n’averete bisognu. Vi prupunimu dunque di scopre u nostru novu numaru « POP » dedicatu à Pasquale Paoli
MAGHJU 2024
Pè sta volta u nostru giurnalettu hà saltatu sopr’à u mese d’aprile è vi prupone di passà un bellu veranu fiuritu è culuritu.
MARZU 2024
Pè stu mese di marzu ghjunghjimu appena tardi chì u tema ch’avemu sceltu vale pè tuttu l’annu: a nostra squadra vi prupone di lampà un ochju nant’à e risorze prudutte da i nostri partenari di CANOPE pè tutti i ciculi.
FERRAGHJU 2024
Pè stu mese di ferraghju, si manghjerà di sicuru qualchì vultata eppò vi parleremu sopratuttu di carnavale incù tutte e so tradizione di quì è d’altrò.
GHJENNAGHJU 2024
Pè stu mese di ghjennaghju, si parlerà di l’inguernu è di capu d’annu incù tutte e so tradizione di quì è d’altrò.
DICEMBRE 2023
Pè stu mese di dicembre, si parlerà di Natale.
NUVEMBRE 2023
Pè stu mese di nuvembre, avemu sceltu a Sant’Andria !