Iss’ottu di dicembri, i prufissori di corsu (Monsieur Lemoine è Monsieur Bartolomei) è a squadra abbilitata bislingua (Madama Lanfranchi, Monsieur Paganelli è Monsieur Ciccolini) di u Taravu ani urganizatu una matinata d’atteddi didicati à a “Festa di a Nazioni”, à nantu à i dui siti.
In Pitretu, a ghjurnata hè cuminciata cù una prisintazioni d’issa data simbolica è di l’evenimenti storichi chì ani purtatu i Corsi di u XVIIIesimu seculu à metta l’isula suttu à a prutizzioni di l’Immaculata Cuncizzioni.
Dopu, l’elevi ani participatu à parichji atteddi :
- Un atteddu di genealugia animatu da André Flori, u prisidenti di Corsica Genealugia.
- Un l’atteddu di cucina purtatu da a CPE Madama Giaconia è Melanie induva i ziteddi ani fattu un fiadonu
- Un atteddu di cantu cù a ghjovana cantarina Elisa Tramoni
- Un atteddu di Morra cù l’associu “Corsica Morra”
À nantu à u situ André Giusti di Santa Maria, atteddi à intinzioni di l’elevi di terza di i dui siti sò stati urganizati :
- Unu di quadrigliu, purtatu da Madama Wenz
- Unu di cantu, à nantu à u Dio vi Salvi Regina, purtatu da Jean-Claude Tramoni, dinu Cor’di Sartè
- Un atteddu di storia l’hà direttu Monsieur Bartolomei, prufissori di Corsu
- Un atteddu di puisia l’hà fattu Monsieur Calistri, pueta corsu
A ghjurnata si hè cuntinuvata cù una cunfarenza à nantu à u risistanti Jules Mondoloni è si hè compia cù u cantu di u Dio vi salvi Regina, ripresu da elevi è prufissori
