In cor’ di l’estate 2024, hè statu messu in linea un cunghjugatore numericu in lingua corsa.
Cuncipitu da u retale Canopé di Corsica è dendu accessu à e cunghjugazione di circa 10.000 verbi, e pussibilità offerte da st’arnesu sò parechje : si pò accede à a cunghjugazione d’un verbu, à parte si da u so infinitivu, corsu o francese, o ritruvà u verbu à parte si da a forma cunghjugata.
E cunghjucazione sò pruposte in suttanacciu è in supranacciu, cù una presa in contu di e forme e più sparte di a svariatezza.
Un arnesu chì, di sicuru, serà utile per i prufessori è i so sculari, è, di modu più largu, per tutti quelli bramosi d’amparà o ammaestrà megliu a lingua corsa.
