Ùn lascià dorme è perde si tutti i filmetti in lingua corsa produtti da France 3 Corse Via Stella, fà li campà è fà ne prufittà u mondu di l’educazione in tantu chì arnesi pedagogichi, è, di modu più largu, a sucetà isulana, eccu l’idea à l’origine di a creazione di u situ internet Medialingua.
Per via d’una cunvenzione zifrata trà l’accademia di Corsica è France 3 Corse Via Stella mercuri u 2 d’ottobre 2024, u retale Canopé di Corsica hà presentatu è lanciatu di modu ufficiale u situ chì cuntene per avà più di 200 filmetti.
A banca di date serà arrichita à pocu à pocu, è ogni video serà liata à una tematica definita (patrimoniu, lingua, scenze…). Una barra di ricerca permette dinò di ritruvà un filmettu sicondu a vuluntà di u visitadore (nomu di locu, attività, annata…).
L’accessu à u situ hè liberu è senza limita.
Accessu direttu à u situ : https://www.medialingua.corsica/
