U Puttachjonu ! Hè cusì ch’eddu si chjama u ghjurnaleddu in lingua corsa scrittu da i liceani di u Liceu Jean Paul de Rocca Serra di Portivechju.
Fà campà a lingua di modu scrittu, trattendu tutti i sughjetti com’iddu a facia Santu Casanova più di cent’anni fà, eccu a filusufia di a squadra di ridazzioni.
U primu numaru si pò leghja à nantu à u situ internet di u Centru di Ducumintazioni di u liceu, ci truvareti articuli chì parlani di storia, di curaddu, di pallò è intarvisti diversi.
Filicitemi i cuntributori è a squadra pidagogica è prighemi una longa vita à U Puttachjonu.
