Messu in anda par via di un partinariatu trà l’Accademia di Corsica è u cullittivu “Parlemu Corsu !” u prughjettu rubutiscola s’hè sbucinatu mentra l’annata in u culleghju di u Fium’orbu. U scopu : inizià si à a prugrammazioni è à a rubòtica fendu usu di a lingua corsa.
Hè cusì chì hè tuccatu à i sculari à custruì un robò è à fà li rializà missioni par via di una prugrammazioni infurmatica. Ch’eddu sia par riceva i struzzioni o par cumunicà in l’atteddu , solu a lingua corsa pudia essa impiigata. In mira, dui ughjittivi intricciati : imparà a rubotica à traversu a lingua, è imparà a lingua à traversu a rubotica.
Iniziatu di modu sparimintali par a prima annata, si circarà à l’avvena d’accrescia u numaru di stabilimenti è di sculari cuncirnati.
